Foto: Torbjørn Kjosvold / Forsvaret
Om kurset
I ei uroleg verd, med mange dramatiske hendingar i inn- og utland, bidreg Forsvaret, brann-, rednings- og helsepersonell, politiet og andre innsatsgrupper med viktig arbeid.
Stressbelastningar, potensielt traumatiserande hendingar og ukomfortabel arbeidstid kan medføre psykiske reaksjonar, både umiddelbart og seinare. Kunnskap om slike reaksjonar kan bidra til betre helsehjelp og førebygging av sjukdom.
Formålet med kurset er å gi auka kunnskap om:
- Innsatspersonell
- Utfordringar for innsatspersonell og deira familiar
- Psykiske reaksjonar - førebygging og tiltak
- Psykiske lidingar; differensialdiagnostikk og evidensbaserte behandlingstiltak
Kurset omfattar refleksjonsøvingar, diagnostiseringsøvingar, praktisk trening i utforming av behandling og terapeutiske teknikkar. Det vil òg bli høve til å teste VR-briller for bruk i behandling.
Godkjenning
Kurset er godkjent i Den norske legeforeningen som emnekurs for allmennmedisin, psykiatri og rus- og avhengigheitsmedisin. Kurset er godkjent av Norsk psykologforening som 15 timar vedlikehaldskurs for psykologspesialistar.
Sjå vedlagt program for begge dagene i høgre meny.
Førelesarar
- Øyvind Thomassen, anestesilege, Haukeland Universitetssykehus og Leger uten grenser
- Sylvi Ramsli Fiskerstrand, psykologspesialist, RVTS Vest
- Christer Gjerstad, psykolog, forskar/PhD-stipendiat (Institutt for militærpsykiatri og stressmeistring, Forsvaret)
- Tone Bovim, psykologspesialist, RVTS Øst
- Belinda Ekornås, psykologspesialist/PhD, RVTS Øst
- Legespesialist allmennmedisin
- Tormod Kyrkjeeide Larsson, veteran Forsvaret, og ektefelle Kristin Kyrkjeeide Larsson
- Jarle Bjørke, tidlegare einingsleiar og seksjonsleiar i politiet, internasjonal rådgjevar/prosjektleiar for FN
- Nils-Petter Hauge, sosiolog, RVTS Vest
Arrangørar
Ressurssenter om vald, traumatisk stress og sjølvmordsførebygging (RVTS) og Forsvaret